Қабылдау ережелері

1. Қабылдаудың типтік ережелер

2.Квоталық категориялар

«БЕКІТЕМІН» Колледж директоры ___________   С.Н.Узбеков    «____»____________ 2022 ж.

 

 

2022-2023 оқу жылына

«Индустрия-технология колледжі» КММ-не

оқуға қабылдау Ережесі

1. Жалпы ережелер

         1.1 Осы қабылдау Ережесі:

-   2007 жылғы 27 шілдедегі Қазақстан Республикасының «Білім туралы» Заңына;

-  Қазақстан Республикасы Білім және ғылым министрінің 2018 жылғы 18 қазандағы №578 бұйрығымен бекітілген техникалық және кәсіптік білім берудің білім беру бағдарламаларын іске асыратын білім беру ұйымдарында оқуға қабылдаудың үлгі ережелеріне;  

-  "Техникалық және кәсіптік білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидаларын бекіту туралы "Қазақстан Республикасы Білім және ғылым министрінің 2018 жылғы 18 қазандағы № 578 бұйрығына өзгерістер мен толықтырулар енгізу туралы" Қазақстан Республикасы Білім және ғылым министрінің 2020 жылғы 12 мамырдағы №197 бұйрығына сәйкес жасалды және Семей қ. «Индустрия-технология колледжі» КММ-не (ары қарай «Колледж»)оқуға қабылдаудың тәртібін анықтайды.  

- ҚР Үкіметінің 2018 жылғы 13 қарашадағы "Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған «Еңбек» бағдарламасын бекіту туралы" № 746 қаулысына

- 2013 жылғы 15 сәуірдегі «Мемлекеттік көрсетілетін қызметтер туралы» Қазақстан Республикасының Заңына (ары қарай-Заң) сәйкес жасалды.

 

   1.2 Колледжге негізгі орта, жалпы орта (орта жалпы), техникалық және кәсіптік (бастауыш кәсіптік және орта жалпы кәсіптік), ортадан кейінгі, жоғары (жоғары кәсіптік)  білімі бар Қазақстан Республикасы азаматтары, шетел азаматтары және азаматтығы жоқ тұлғалар қабылданады.

 

         1.3. Колледжге қабылдау кезінде Қазақстан Республикасы Үкіметінің 2012 жылғы 28 ақпандағы №264 «Жоғары және орта білімнен кейінгі техникалық және кәсіптік білім берудің кәсіптік оқу бағдарламаларын жүзеге асыратын білім беру ұйымдарына оқуға түсу үшін қабылдау квотасының мөлшерін бекіту туралы » қаулысымен бекітілген, «Білім туралы» Заңның 26 бабы 8 тармағында  белгіленген тұлғалар үшін квота қарастырылады (ары қарай №264 Қаулы).

 

2. Колледжде 2022-2023 оқу жылына қабылдау жүргізілетін мамандықтар

2022-2023 оқу жылына колледжге оқуға қабылдау келесі мамандықтар мен біліктіліктер бойынша жүзеге асырылады:

2.1. Негізгі орта білім негізінде:

1. 07161300 «Автомобиль көлігіне техникалық қызмет көрсету, жөндеу және пайдалану»

Біліктілігі: 3W07161301 «Автомобиль жөндеу слесарі»

Қосымша біліктілік: 3W07161302 «Автомобиль электр жабдықтарын  жөндеу жөніндегі электрик»

• сынып негізінде, оқыту тілі- орыс,қазақ тілінде, 2 жыл 10 ай.

2. 07161300 «Автомобиль көлігіне техникалық қызмет көрсету, жөндеу және пайдалану»

Біліктілігі: 3W07161302 «Автомобиль электр жабдықтарын  жөндеу жөніндегі электрик»

Қосымша біліктілік: 3W07161301 «Автомобиль жөндеу слесарі»

• сынып негізінде, оқыту тілі- қазақ тілі, 2 жыл 10 ай.

3. 07320700 «Автомобиль жолдары мен аэродромдар құрылысы және пайдалану»

Біліктілігі: 3W07320702 «Жол-құрылыс машиналарының машинисі»

• сынып негізінде, оқыту тілі- орыс, қазақ тілі, 2 жыл 10 ай.

4. 10130300 «Тамақтандыруды ұйымдастыру»

Біліктілігі: 3W10130302 «Аспаз»

          Қосымша біліктілік: 3W10130301 «Кондитер-безендіруші»

• сынып негізінде, оқыту тілі- орыс, қазақ тілі, 2 жыл 10 ай.

2.2. Жалпы орта білім негізінде:

1. 07161600 «Ауыл шаруашылығын механикаландыру»

Біліктілігі: 3W07161601 «Ауыл шаруашылық өндірісінің тракторист-машинисі»

Оқыту тілі- қазақ тілі, оқыту мерзімі- 10 ай.    

2. 07150500 «Дәнекерлеу ісі (түрлері бойынша)»

Біліктілігі: 3W07150501 «Электргаз дәнекерлеуші»

         Оқыту тілі- орыс тілі, оқыту мерзімі- 10 ай.

 

• ОВ156/144, ОВ156/15 ҚАЖК (түзеу мекемелері) жанында

жұмыс істейтін бөлімше үшін жиынтық жазасын өтеуші адамдар (арнайы контингент) қатарынан жалпы орта білім базасында мынадай мамандықтар бойынша жүзеге асырылады:

1. 07150500 «Дәнекерлеу ісі (түрлері бойынша)»

Біліктілігі: 3W07150501 «Электргазымен дәнекерлеуші»

Оқыту тілі- қазақ тілі, оқыту мерзімі- 10 ай

2. 07161300 «Автомобиль көлігіне техникалық қызмет көрсету, жөндеу және пайдалану»

Біліктілігі: 3W07161301 «Автомобиль көлігін жөндеу шебері»

Қосымша біліктілік: 3W07161302 «Автомобиль электр жабдықтарын  жөндеу жөніндегі электрик»

Оқыту тілі- орыс тілі, оқыту мерзімі- 10 ай

3. 07230100 «Тігін өндірісі және киімдерді үлгілеу»

Біліктілігі  3W07230102 «Арнайы тігінші»

Оқыту тілі- орыс тілі, оқыту мерзімі- 10 ай

4. 07320100 «Ғимараттар мен құрылыстарды салу және пайдалану»

Біліктіліктері: 3W07320102 «Ағаш ұстасы және паркет жұмыстарының шебері»

Оқыту тілі- қазақ тілі, оқыту мерзімі- 10 ай

5. 07321100 «Тұрғын үй-коммуналдық шаруашылық объектілерінің инженерлік жүйелерін монтаждау және пайдалану»

Біліктіліктері 3W07321101 «Слесарь-сантехник»

          Оқыту тілі- орыс тілі, оқыту мерзімі- 10 ай

 

 

3. Құжат қабылдаудың тәртібі мен ұйымдастыруы

   

 3.1. Колледжде оқуға қабылдау үшін тұлғалардан өтініш алу, білім алушылардың құрамына қабылдау және әңгімелесу өткізу үшін директордың 2021жылғы 29 желтоқсандағы №145 бұйрығымен қабылдау комиссиясы құрылды. Қабылдау комиссиясының құрамы Үлгілік қабылдау ережесінің 4т. сәйкес келеді .

        Қабылдау комиссиясының төрағасы колледж директоры немесе оның міндетін атқарушы тұлға  болып табылады.

      Комиссия мүшелерінің арасынан жауапты хатшы және техникалық хатшылар тағайындалады.

      Жауапты хатшының міндетіне қабылдау комиссиясының және техникалық хатшылардың жұмысын ұйымдастыру, азаматтарды қабылдау, азаматтардың қабылдау бойынша жазбаша сұрақтарына жауап беру, қабылдау комиссиясының ақпараттық материалдарын жарияланымға дайындау, әңгімелесуді ұйымдастыру және өткізу.  

       Отырысқа құрамының үштен екісі қатысса, қабылдау комиссиясының шешімі жарамды болып саналады және қабылдау комиссиясының шешімі әңгімелесуге қатысушылардың басым даусымен қабылданады. Комиссия мүшелерінің дауысы тең болған жағдайда төрағаның дауысы шешуші дауыс болып табылады. Жауапты хатшы қабылдау комиссиясының мүшесі болып табылмайды.

3.2 Қабылдау комиссиясының қорытынды отырысында аудио және бейнежазба жүргізіледі. Жазба колледж мұрағатында кемінде бір жыл сақталады.

3.3 Карантин, әлеуметтік, табиғи және техногендік сипаттағы төтенше жағдайларда қабылдау комиссиясының жұмысы ақпараттық- коммуникациялық технологияларды қолдану арқылы жүргізіледі.

3.4 Колледждің қабылдау комиссиясының өңірлерге барып тұлғаларды оқуға қабылдау жұмысын ұйымдастыру мәселелері облыстық білім беру басқару органының келісімі бойынша шешіледі

3.5 Тұлғаларды мемлекеттік білім беру тапсырысы (мемлекеттік тапсырыс) бойынша колледжге оқуға қабылдау еңбек нарығының қажеттіліктерін ескере отырып, Қазақстан Республикасы Білім және ғылым министрінің 2016 жылғы 29 қаңтардағы №122 бұйрығымен бекітілген (Нормативтік құқықтық актілерді мемлекеттік тіркеу тізілімінде № 13418 болып тіркелген) (бұдан әрі – №122 бұйрық) техникалық және кәсіптік, орта білімнен кейінгі, жоғары және жоғары оқу орнынан кейінгі білімі бар кадрларды даярлауға, жоғары және (немесе) жоғары оқу орнынан кейінгі білім беру ұйымдарының дайындық бөлімдеріне, сондай-ақ мектепке дейінгі тәрбие мен оқытуға, орта білім беруге және балаларға қосымша білім беруге мемлекеттік тапсырысты орналастыру қағидаларына сәйкес айқындалған колледждің жобалық мүмкіндіктері ескеріле отырып тұлғалардан өтініш қабылдау арқылы жүзеге асырылады.

3.6 Өтініш қабылдау ағымдағы жылдың 20 маусымынан- 25 тамызға дейін жүзеге асырылады.

3.7 Оқуға құжаттар қабылдау Мемлекеттік стандартпен (Оқуға қабылдау туралы үлгілік қағиданың 1-қосымшасы) реттелетін білім беру ұйымы көрсететін мемлекеттік қызмет болып табылады.

      Мемлекеттік қызметті алудың тәсілі:

1) көрсетілетін қызметті алушы (талапкер) тікелей колледжге жүгінеді;

2) көрсетілетін қызметті алушы (талапкер) колледжге оқуға құжаттарды "электрондық үкімет" веб-порталы арқылы тапсырады: www.egov.kz (бұдан әрі-портал).

Қызмет көрсетудің түрі- қағаз түрінде немесе электронды.

3.8 Оқуға түсу үшін құжаттарды кәмелетке толған адамдар жеке өзі, кәмелетке толмағандар – заңды өкілінің қатысуымен ұсынады.

3.9 Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ Мемлекеттік қызмет көрсету ерекшеліктерін ескере отырып, өзге де мәліметтерді қамтитын Мемлекеттік қызмет көрсетуге қойылатын негізгі талаптардың тізбесі Стандартта келтірілген. (Үлгілік қағиданың 1-қосымшасы)

3.10 Көрсетілетін қызметті берушінің қызметкері құжаттар топтамасын қабылдауды, оларды тіркеуді және көрсетілетін қызметті алушыға құжаттар топтамасының қабылданғаны туралы қолхат беруді өтініш келіп түскен күні жүзеге асырады. Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайда, құжаттарды қабылдаудан бас тартады және осы Қағиданың 2-қосымшасына сәйкес қолхат береді.

3.11 Оқуға түсушілер, колледжге оқуға қабылдау туралы өтінішпен бірге, мыналарды ұсынады  :

1. Білімі туралы құжаттың түпнұсқасы.
2. 3х4 өлшемді 4 фотосурет;
3. "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген № 075-У нысанындағы медициналық анықтама, І және ІІ топтағы мүгедектер мен бала кезінен мүгедектер үшін 031-У нысаны бойынша Медициналық-әлеуметтік сараптаманың қорытындысы, "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген (Нормативтік құқықтық актілерді мемлекеттік тіркеу тізілімінде № 21579 болып тіркелген).
4. Жеке басын куәландыратын құжат (жеке тұлғаны сәйкестендіру үшін).

Қызмет алушының жеке басын куәландыратын құжаттарын жеке өзі немесе заңды өкілдері ұсынады.

      Мемлекетті қызметті алушылар -шетелдіктер мен азаматтығы жоқ адамдар олардың мәртебесін анықтайтын, тұрғылықты жері бойынша тіркелгені туралы белгісі бар құжатты ұсынады:

- шетелдік – ҚР-да шетелдіктің тұруға ықтиярхаты;

- азаматтығы жоқ адам-азаматтығы жоқ адамның куәлігі;

- босқын-босқын куәлігі;

- пана іздеген адам-пана іздеген адамның куәлігі;

- қандас-қандас куәлігі.   

3.12 Қызметті электрондық форматта алған жағдайда Порталға келесі құжаттар ұсынылады:

1) көрсетілетін қызметті алушының нақты тұрғылықты жерін көрсете отырып, оның өкілінің ЭЦҚ қойылған электрондық құжат нысанындағы көрсетілетін қызметті алушының ата-анасының біреуінің (немесе өзге де заңды өкілдерінің) өтініші;
2) білімі туралы құжаттың электронды көшірмесі немесе электронды түрдегі білімі туралы құжат;
3) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген № 075-У нысанындағы медициналық анықтама, І және ІІ топтағы мүгедектер мен бала кезінен мүгедектер үшін 031-У нысаны бойынша Медициналық-әлеуметтік сараптаманың қорытындысы, "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген (Нормативтік құқықтық актілерді мемлекеттік тіркеу тізілімінде № 21579 болып тіркелген);
4)  3х4 см өлшемдегі цифрлық фотосурет.Көрсетілетін қызметті алушының жеке басын куәландыратын құжат туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.
Портал арқылы жүгінген кезде көрсетілетін қызметті алушының "жеке кабинетіне" ЭЦҚ-мен куәландырылған электрондық құжат нысанында мемлекеттік қызметті көрсету үшін сұрау салудың қабылданғаны туралы хабарлама-есеп жіберіледі. 

         Көрсетілетін қызметті берушінің (колледждің) қызметкері түскен күні өтінішті тіркеуді жүзеге асырады және оны жауапты құрылымдық бөлімшеге орындауға жібереді. Өтініш Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері келіп түскен жағдайда, өтініш келесі жұмыс күні тіркеледі (құжаттарды қабылдаудың соңғы күнін қоспағанда

        Көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өткен құжаттарды ұсынған жағдайда, көрсетілетін қызметті берушінің жауапты құрылымдық бөлімшесінің қызметкері көрсетілетін қызметті берушінің уәкілетті адамының электрондық цифрлық қолтаңбасымен куәландырылған электрондық құжат нысанында қағаз жеткізгіште өтінішті одан әрі қараудан дәлелді бас тартуды немесе құжаттар портал арқылы берілген жағдайда, көрсетілетін қызметті берушінің "Жеке кабинетіне" Үлгілік қағидалардың 2-қосымшасына сәйкес жібереді.

       Көрсетілетін қызметті алушы құжаттардың толық топтамасын ұсынған кезде көрсетілетін қызметті берушінің жауапты құрылымдық бөлімшесінің қызметкері көрсетілетін қызметті алушыға осы Қағидаларға 3-қосымшаға сәйкес ТжКББ ұйымында құжаттардың қабылданғаны туралы хабарлама жібереді.

       Көрсетілетін қызметті беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызмет көрсету сатысы туралы мәліметтерді Мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

3.13 Қызмет алушыға құжаттарды қағаз түрінде қабылдаған жағдайда құжаттардың қабылданғаны туралы

1) өткізілген құжаттардың тізбесі;

2) құжат қабылдаған қызметкердің фамилиясы, аты, әкесінің аты (бар болса), лауазымы, сонымен қатар байланыс деректері  көрсетіле отырып қолхат беріледі.

3.14 Колледж, қызмет беруші ретінде,  келесі негіздерге байланысты құжат қабылдау бойынша мемлекеттік қызмет көрсетуден (Үлгілік қағидалардың 2-қосымшасына сәйкес) бас тарта алады:

      1) мемлекеттік қызметті алу үшін қызметті алушы ұсынған құжаттардың және (немесе) олардағы мәліметтердің (деректердің) күмәнді екені анықталғанда;    2) мемлекеттік қызметті көрсету үшін  қажетті қызметті алушының ұсынған құжаттары  техникалық және кәсіптік білім берудің білім беру бағдарламаларын жүзеге асыратын білім беру ұйымдарында оқуға қабылдаудың үлгілік ережесінде белгіленген талаптарға сәйкес келмесе;        3) көрсетілетін қызметті алушыға қатысты, оның негізінде көрсетілетін қызметті алушы мемлекеттік көрсетілетін қызметті алуға байланысты арнайы құқықтан айырылғаны туралы заңды күшіне енген сот шешімі бар болса.   

 Егер қызмет алушы мемлекеттік қызметті ұсынудан бас тартудың себептерін жоятын болса, мемлекеттік қызмет көрсету стандартында белгіленген тәртіппен мемлекеттік қызмет алуға қайтадан өтініш бере алады.

3.15 Көрсетілетін қызметті берушінің мемлекеттік қызметтер көрсету мәселелері жөніндегі шешіміне, әрекетіне (әрекетсіздігіне) шағым Қазақстан Республикасының заңнамасына сәйкес көрсетілетін қызметті беруші басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.

        Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасы Заңының 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

        Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

3.16 Көрсетілетін қызметті алушы мемлекеттік қызмет көрсету нәтижелерімен келіспеген жағдайда Қазақстан Республикасының заңнамасында белгіленген тәртіппен сотқа жүгіне алады.

3.17 Оқуға түсушілердің қабылдау квотасы көзделген адамдарға тиесілігін растайтын құжаттарды ТжКББ ұйымының қабылдау комиссиясына күнтізбелік жылдың 25 тамызына дейін ұсынады.

3.18 Оқуға түсушілердің өтініштері өтініштерді тіркеу журналына тіркеледі.

3.19 Колледждің қабылдау комиссиясы күнтізбелік жылдың 20 маусымынан бастап ТжКББ ұйымының сайтында орташа конкурстық балды көрсете отырып, қабылдау квотасы көзделген талапкерлер мен тұлғалардың тізімдік құрамын қалыптастырады және оның күнделікті жаңартылуын қамтамасыз етеді.

3.20 Колледж күнтізбелік жылдың 26 тамызына дейін мамандығын, біліктілігін көрсете отырып, Білім басқармасының ақпараттық жүйесіне өтініш берген адамдарды тіркейді.

3.21 Талапкерлерді автоматты түрде бөлуді Білім басқармасы айқындаған ақпараттық жүйе (білім беру платформасы) жүзеге асырады.

3.22 Мемлекеттік тапсырыс бойынша оқуға түсушілер үшін колледжде әңгімелесу өткізіледі.

3.23 Қабылдау комиссиясының жұмыс кестесі – дүйсенбі-сенбі күндері, Қазақстан Республикасы еңбек заңнамасына сәйкес демалыс және мерекелік күндерден басқа күндері, колледждің бекітілген жұмыс кестесіне сәйкес – сағат 9.00 - 18.00 дейін, түскі үзіліс сағат 13.00 - 14.00 дейін .

Порталдың жұмыс кестесі: жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтінішті қабылдау және Мемлекеттік қызмет көрсету нәтижесін беру келесі жұмыс күні жүзеге асырылады).

 

4.Әңгімелесуді ұйымдастыру және өткізу

 

4.1  Білікті жұмысшы мамандарды дайындауды қарастыратын техникалық және кәсіптік білім беру бағдарламалары бойынша оқуға түсушілерге қабылдау емтихандары әңгімелесу түрінде өтеді. Қабылдау емтиханы және әңгімелесу өткізу кезеңінде аудио-бейнежазба жасалады және ол колледж мұрағатында кемінде 1 жыл сақталады.

4.2  Қабылдау комиссиясы әр оқуға түсушімен тиісті бағыт бойынша жеке әңгімелесу өткізеді.  Әрбір оқуға түсушіге бөлінген уақыт 20 минуттан аспайды.

       Әңгімелесуге арналған сұрақтар тізімін қабылдау комиссиясының төрағасы бекітеді.

4.3 Карантин жағдайларында, әлеуметтік, табиғи және техногендік сипаттағы төтенше жағдайларда әңгімелесу ақпараттық-коммуникациялық технологияларды пайдалана отырып жүргізіледі.

4.4 Әңгімелесудің нәтижесі қабылдау комиссиясының мүшелері қол қойған хаттамамен рәсімделеді.

       

5. Білім мекемесінің білім алушыларының құрамына қабылдау

     

   5.1  Білікті жұмысшы мамандарды даярлауды көздейтін техникалық және кәсіптік білімнің білім беру бағдарламалары бойынша білім алушылардың құрамына қабылдау негізгі орта немесе жалпы орта білімі туралы құжаттарда көрсетілген бейіндік пәндер бойынша бағалары, әңгімелесу нәтижелері ескеріле отырып, іріктеу негізінде оқудың күндізгі нысанына күнтізбелік жылдың 31 тамызына дейін жүргізіледі;

     5.2 Техникалық және кәсіптік, орта білімнен кейінгі білім беру мамандықтары бойынша бейіндік пәндер тізбесі Үлгілік қағидалардың 5-қосымшасына сәйкес айқындалады.

5.3 Колледжге білікті жұмысшы кадрларды даярлауға оқуға түсушілердің саны мемлекеттік тапсырыс бойынша оқуға бөлінген орындардан асып кеткен жағдайда оқуға қабылдау Үлгілік қағидалардың 55 - тармағына сәйкес орташа конкурстық балл негізінде жүзеге асырылады - "Талапкерлерді автоматтандырылған бөлу білім басқармасы айқындаған ақпараттық жүйемен (білім беру платформасымен), сондай-ақ № 264 қаулыға сәйкес квоталық санатпен жүзеге асырылады.

5.4  Орташа конкурстық балл (бұдан әрі-ОКБ) олардың жалпы санына Үлгілік қағидалардың 2, 3, 7-қосымшаларына сәйкес пәндер/пәндер үшін бағалар сомасының орташа мәні ретінде айқындалады.

5.5 Бағалардың орташа балы:

негізгі орта білімі бар оқуға түсушілер үшін (9 – сынып) - үш пән: міндетті пән (қазақ тілі немесе орыс тілі), мамандық бейіні бойынша екі пән бойынша бағалардан/баллдардан:

ОКБ= (МП1+БП1+БП2)/БС

Мұнда: МП1 – міндетті пәннің бағасы;

БП1- бірінші бейінді пәннің бағасы;

БП2- екінші бейінді пәннің бағасы;

БС- бағалар саны;

мамандық бейініне сәйкес келмейтін техникалық және кәсіптік, орта білімнен кейінгі, жоғары білімі бар оқуға түсушілер үшін – төрт пән бойынша бағалардан: міндетті пәндер/пәндер (Қазақ тілі немесе орыс тілі, Қазақстан тарихы), мамандық бейіні бойынша екі пән/пәндер бойынша және/немесе шығармашылық және/немесе арнайы емтихан бағасы болған кезде (шығармашылық дайындықты талап ететін педагогикалық мамандықтар мен мамандықтар бойынша);

ОКБ= (МП1+БП1+БП2)/БС

Мұнда: МП1 – міндетті пәннің бағасы;

БП1- бірінші бейінді пәннің бағасы;

БП2- екінші бейінді пәннің бағасы;

БС- бағалар саны;

      5.6 Орташа конкурстық балл тең болған жағдайда білім туралы құжаттың орташа балы, сондай-ақ № 264 қаулыға сәйкес квота санаты ескеріледі.

     5.7 Басқа шет елдің білім туралы құжаты бар тұлғалар үшін Білім туралы құжатта Үлгілік қағидалардың 7-қосымшасында көрсетілген міндетті және бейіндік пәндер болмаған жағдайда міндетті және бейіндік пәндер тізбесін ақпараттық жүйенің бағыты бойынша колледждің қабылдау комиссиясы белгілейді.

     5.8 Колледжге қабылдау қабылдау комиссиясының ашық отырысында кәсіптер, мамандықтар бойынша бөлек жүргізіледі, қабылдау комиссиясының хаттамасымен рәсімделеді, директордың бұйрығымен бекітіледі.  

      5.9. Қабылдау комиссиялары оқуға түсушілерді қабылдау нәтижелері туралы ақпаратты білікті жұмысшы кадрларды даярлауды көздейтін оқудың күндізгі нысанына күнтізбелік жылдың 31 тамызына дейін колледждің ақпараттық стендтерінде немесе интернет – ресурстарында орналастыру арқылы жеткізеді.

5.10 Азаматтарды қабылдаудың осы Қағидаларымен реттелмеген мәселелерді қабылдау комиссиясы дербес шешеді.